中大建築學院設計 473竹枝搭弧形竹亭

【明報專訊】講起竹棚，就會聯想起盂蘭節嘅粵曲大戲棚，但原來呢種傳統中國手藝搭出來嘅竹棚都可以好摩登。由建造業議會同政府合作興建嘅零碳天地，裏面一座佔地約350平方米嘅「竹亭」噚日正式對外開放，呢座弧形竹亭由中大建築學院設計，用咗473條竹枝加金屬線，以傳統廣東紮棚工藝搭成，再用半透明防水彈力布網蓋住，可容納200個座位，貫徹低碳建築原則。