【明報專訊】近期一齣電影《實習冇限耆》，講一個70歲嘅退休長者做實習生，用人生經驗幫後生一代解決種種問題；唔知係咪受套戲啟發，勞工及福利局長張建宗（中排左二）噚日出席一個研討會，講點樣建立長者友善社區之餘，同中大校長沈祖堯（中排左三）、馬會副主席周永健（左一），與現場300人一齊做健康操抗衰老，伴隨音樂提腿鬆膊。張局長雖已過花甲之年，但簡單一個健康操，又點會難倒每朝5點都會起身做早操嘅佢呢？
