【明報專訊】行政會議成員、工聯會榮譽會長鄭耀棠噚日去樹仁大學做講座嘉賓，同學生分享「妥協的藝術﹕從爭取勞工權益到普選」，不過棠哥一向都幾惹火，雖然只係出席學生活動，但噚日都有幾個同學喺現場抗議，當棠哥接受傳媒訪問時，就有人喺後面高舉「賣香港」、「賣工人」紙張，諷刺工聯會維護政府，認為工聯會出賣工人利益，但棠哥一派氣定神閒咁喺示威者前面接受採訪。
