【明報專訊】主持港台節目《城市論壇》12年嘅港台電視部監製謝志峰，將會喺10月31日完約退休，佢噚日喺立法會議員劉慧卿嘅網台節目上大談主持《城壇》生涯。謝志峰透露，特首梁振英上任無耐，曾邀請對方上節目，但特首同佢講「我唔係唔想嚟，但嚟會好多人圍我，一圍就好惡搞」。謝志峰同記者講笑話，如果特首喺佢完約前肯嚟多次，佢會請晒全場飲茶！
