「不放棄年輕人」 廠商會3000萬捐大學

【明報專訊】中文大學前校長劉遵義早前撰文大罵學生衝擊港大校委會會議，指有人質疑納稅人係咪應該看顧呢班「被寵壞的小混蛋們」。另一邊廂，廠商會似乎唔係好認同劉教授嘅講法，噚日出新聞稿話未來3年會捐款予各大學。廠商會話佔領行動以至近期港大學生衝擊校委會事件後，雖然有人質疑，香港納稅人嘅錢係咪應該繼續投放喺年輕人身上，但廠商會會長李秀恆就話，佢哋以行動證明，唔會因而放棄年輕人及教育。