葉劉曬大腸冇瘜肉 「可繼續長時間服務市民」

【明報專訊】今年65歲嘅新民黨主席葉劉淑儀前日喺facebook大講自己每晚食低劑量嘅阿士匹靈預防直腸癌，噚日再喺fb上載自己嘅大腸內窺鏡檢查照片，再次曬自己幾咁健康，話一粒瘜肉都冇。點知有網民眼利，發現張大腸圖片披露咗葉太嘅身分證號碼呢個重要個人私隱，入夜後葉太察覺呢個問題，刪除咗個post。佢同Emily講今次係班伙計論盡，但佢話唔介意身分證號碼泄露，仲話自己一向冇乜私隱。