【明報專訊】港大校委盧寵茂醫生「世紀一跌」引發改圖潮，美麗華旅遊都唔執輸，前日喺facebook專頁上載咗張圖，將盧醫生抱膝一幕key落美麗華門市，留言「洗乜守喺門口咁辛苦？梗係用網上報團啦，平過門市架！」網民反應唔錯，但美麗華即晚刪圖，出聲明指對改圖引起不安「深表遺憾」，一朝瞓醒，噚日連份聲明都消失埋。網民鬧爆「又要威又要戴頭盔」，聲稱「永不錄用」呀！
