灣仔同德大押將成歷史

【明報專訊】位於灣仔軒尼詩道同馬師道交界，現址有60多年歷史兼屬於三級歷史建築物嘅灣仔地標「同德大押」，可能好快會消失於大家眼前。呢座本港碩果僅存嘅單棟式騎樓大押，原來早喺2013年8月，屋宇署已批准業主拆卸重建為23層高商廈。事隔近兩年，Emily最近行過時，見到有工人開始清拆當舖入面嘅裝修，似乎已經開始咗重建工程。