聲援內地維權律師 郭榮鏗邀袁國強「個人」響應

【明報專訊】40幾個法律界人士包括13名大律師公會前主席，日前發起全球網上聯署，聲援內地200幾名被拘留嘅維權律師，做過公會主席嘅律政司長袁國強前日已表明唔會參加。不過，立法會法律界議員郭榮鏗（Dennis）再去信袁司長，認為佢可以考慮用「個人身分」參與聯署，因為特首辦曾公開表明，問責官員可以個人名義參加民間活動聯署。袁司長噚日堅持話，前日出聲明時已解釋得好清楚，意味唔會聯署。