【明報專訊】中文大學近來收到樂聲物業投資有限公司董事會主席李達三捐贈1億元，成立咗「李達三葉耀珍中醫藥研究發展中心」，主力研究華南地區中藥。中心主任、中大生命科學學院教授邵鵬柱話，近排韓國中東呼吸綜合症（MERS）肆虐，其實好多華南中藥都有抗炎、抗菌、抗病毒功效，佢哋將成立一個資料庫，研究同記錄中藥嘅藥用價值，可能對治療呢類病有幫助。佢又話，南方人鍾意飲涼茶，熱氣又飲、感冒又飲，以科學驗證方法鑑定藥物成效，可進一步證明係咪真係有效。
