【明報專訊】社民連facebook噚日有一個澄清啟事。話說網上流傳咗一單張，用咗社民連logo，寫有「贏了謾罵，輸掉道德，值得嗎？」，講番之前無證童肖友懷同大成小學女學生哭訴嘅故事，並放咗佢哋嘅相，要大眾放過佢哋及保護兒童。社民連就喺facebook澄清番呢張單張唔係佢哋製作嘅，又話製作人居心不良、手段下流，仲強烈譴責，呼籲市民協助澄清，以正視聽。
