【明報專訊】中大噚日起一連兩日喺校內舉行「中大創業日」，展示一班學生同校友嘅創意創業概念同成果。身為中大校友嘅商務及經濟發展局副局長梁敬國，返母校出席活動開幕禮致辭時自爆，佢小學畢業後個暑假已經有「創業經驗」，仲要係賣「梁粉」。Emily同唔少在場人士初時聽到有啲愕然，認真聽番，原來係「賣涼粉」，但梁副局話呢次經驗唔算成功，只係堅持兩日就「光榮結業」。
