【明報專訊】嶺大學生會今個月17號舉行音樂會，邀請青年樂隊「血汗攻闖」獻唱，歌曲被指辱罵警察同有大量粗口，先後被多個團體批評，噚日就輪到「香港同新界事一樣關心」嘅「新界關注大聯盟」開記者會，話要強烈譴責事件、要求警方拘捕涉事者，同要求解散學生會。人稱「藍爺」嘅民政事務局前局長藍鴻震亦坐鎮記者會，仲話事件「震驚香港，震驚亞洲」。
