【明報專訊】支聯會舊年喺尖沙嘴富好中心5樓設「六四紀念館」，點知畀法團主席巢國超入稟指違反大廈公契，官司仲打緊，噚日又起衝突。支聯會副主席蔡耀昌同Emily講，早前法團要求每層樓訪客唔可以多過20個人，巢國超噚日突然踩上5樓走廊，話人數超過20，唔畀人入去。蔡耀昌覺得冇理由限制業主接待賓客，而且其他樓層都唔見有實施呢個要求，佢覺得巢國超係用各種方法刁難六四紀念館。
