【明報專訊】內地免試招生上月截止報名，7月中公布結果。中國教育留學交流（香港）中心總經理鞏萬噚日同傳媒茶敘時講起，上月招生時遇到個別「非常家長」，有個女學生兩次到中心報名，但最終畀尾隨嘅家長阻止，仲沒收埋回鄉證，話個女「非讀港大不可」，擔心佢如果有內地升學呢個「保險」，就唔會認真應考文憑試，最後搞到個女喺中心度喊，認真尷尬。
