學聯新莊常委遲到 賴周永康

【明報專訊】學聯後日（4月1日）換莊，候任嘅秘書處人員同常委噚日開記者會，交代周年大會內容同未來工作方針。新人事新作風，不過，睇嚟「遲到精神」可以繼續傳承落去——噚日因為有常委遲到，所以原定兩點半嘅記者會遲咗大約10分鐘開始，新莊成員笑言，有遲到習慣係因為現任秘書長周永康同副秘書長岑敖暉無以身作則搞成。