【明報專訊】經民聯議員梁美芬（圖）噚日喺立法會提出「全面檢討通識教育科」嘅無約束力議案，認為要檢討課程設計、教學範圍、考核方式，以及師資培訓等各方面。梁美芬喺開場白話，好多家長都擔心所謂通識科培養嘅批判思維，令到小朋友對政府有好多負面情緒，「（小朋友）覺得所有人都欠咗佢……連自己生得唔靚追唔到女仔都係政府、制度嘅錯」，仲話有咁多學生參與佔中，「如果話同通識科無關，就一定唔係」，又話好似一個無王管嘅科目。
