家長爆兒童填色賽：5000蚊開戶先有證書

【明報專訊】本報前日報道話，市面有機構舉辦免費兒童繪畫比賽，但得獎者就要自掏腰包買獎狀或參賽證明。呢單新聞引起唔少人討論，Emily噚日就聽到有聽眾喺港台節目《瘋Show快活人》發表意見，最特別嘅個案係，有家長話囡囡參加咗某銀行嘅填色比賽，表格由學校派發，之後有銀行職員打電話叫佢去攞證書，但條件係要攞5000蚊喺銀行開戶口。亦有聽眾話，有好多比賽係教育機構主辦，小朋友要畀幾千蚊報名上訓練班，機構會包埋獎盃、證書，報名費佔咗300幾蚊。