新一屆特首選舉明年舉行，立法會主席曾鈺成接受有線專訪時表示，有中央官員向他透露，2017年特首選舉不會再「欽點」，「即係有一位中央官員，話下一次選舉是否普選，都不會由中央指定『呢個就係中央要嘅人』，只要嗰啲（候選）人係中央可以接受嘅，就畀大家真係去一個公平競爭」。
至於政務司長林鄭月娥及財政司長曾俊華被指是競逐特首兩大熱門，曾鈺成認為，如果其中一個辭職參選並無問題，但如果兩人一起辭職競爭便不理想，因為可能造成政府管治困難。不過他補充，「無話絕對唔准」。
問到會否參選特首，曾鈺成重申「拭目以待」，「事實上係好戲在後頭，未到9月邊度有戲睇啫」。