唔經唔覺聽日就係鉛水風波一周年，率先踢爆啟晴邨食水含鉛嘅黃碧雲（Helena），今日就約咗Emily同一班行家出嚟，介紹佢出嘅新書《鉛水風暴》。
其他報道：【網上熱話】屯門行山徑石級鋪軟墊 專家批更不安全 網民嘲：起扶手電梯吖嘛
雖然呢本書叫《鉛水風暴》，但除咗講鉛水之外，Emily睇到仲有一段叫「風暴前夕」，即係咩？Helena話係關於「自己個人嘅小故事」，講佢點解參政。佢仲提到如果佢唔去參政，仲喺大學教緊書嘅話，鉛水事件就唔會揭發喎。
有記者問佢會唔會將本書送畀曾經質疑佢化驗唔準確嘅蔣麗芸，同埋有份驗水嘅梁美芬，佢即刻話唔會，話會叫佢哋去買：「佢哋大把錢，使乜我送畀佢哋呢，一定唔會送畀佢」。不過就話會送畀幫過佢啲朋友，同埋用「最優惠嘅價錢」賣畀鉛水邨嘅居民。