即時港聞

【醫委會改革】高永文嘆政治化 指已處理委任觀感:唔好講特首,我都唔想你信我 (10:38)

食物及衛生局長高永文早上於港台節目回應醫委會改革草案爭議,慨嘆「社會政治化,無奈我係接受嘅」。

其他報道:報檔「睡婆婆」再被搶萬元血汗錢:被搶走嘅錢賺咗好耐……

高永文稱,很多人對他說「你唔好以為我信你就得,我唔信你整個政府」,但他強調自己秉持「應該做就去做」的做人原則,「政治嘅留返大家去考慮好嘛,我唔係一個搞政治嘅人」。他承認問責崗位需要面對政治,惟期望容許他有自由意志,秉持這做人原則。

高永文又說,為了處理政府委任的觀感問題,已把委任最後工作交予常任秘書長處理,「唔好講特首,我自己都唔想你信我啊。算數喇。如果大家都唔信,我都係盡咗我能力」。

至於草案或面臨司法覆核,高永文認為,司法覆核是香港市民法定權利,沒有問題,但表明在立法會「拉布」或以其他方法,引起無事實根據的擔心,「未必應該」。

同場的社協幹事彭鴻昌則說,特首幾乎無任何權力拒絕委任由提名機構產生的代表,「如果咁都質疑,現任終審法院首席大法官,都係由特首委任,大家會唔會睇到特首干預司法獨立?無吖嘛」。

醫委會初級偵訊委員會主席張德康亦說,過往特首無否定任何公營構機提名的委員,「如果驚埋一啲無事實基礎嘅嘢,係自找麻煩」。他又說,醫委會改革本身帶來好多好處,「驚特首無厘頭去否定一個委任,係想得太多」。

其他報道:大公社評:共產黨領導是「一國兩制」不變保證

其他報道:本土組織就中聯辦集會失敗致歉 認計劃未夠詳盡 稱警反恐級數部署不尋常

相關字詞﹕編輯推介 高永文 醫委會改革

上 / 下一篇新聞