即時港聞

【短片:迷你倉大火】茶餐廳東主借電話 心痛消防員報平安也匆匆 (22:45)

茶餐廳東主借電話,心痛消防員匆匆報平安。(林智傑、伍浦鋒攝)

九龍灣淘大工廈迷你倉四級火焚燒逾2天仍未救熄,數以百計消防員在現場疲於奔命,情況令全城關注。娥姐一家在嘉和園開設新記茶餐廳多年,首次遇到如此大火,她憶述火警首晚有消防員殉職後,現場氣氛十分緊張,陸續有多名值班消防員走到店內借電話,「(消防員)家人好擔心,仔女同老公有事點算?」對於消防員的請求,她當然答允,但心痛這些救火英雄,只能以電話向家人匆匆交代幾句就離開,繼續往火場去,「(電話同家人講)無事,唔使擔心,講唔到幾句又要走」。

娥姐翌日起暫停營業,但仍然開店,讓倦極的消防員入內休息,「專登返嚟開冷氣畀佢哋入舖頭唞下」,她亦將店內的汽水送到火場一帶送予消防員飲用。

不過,她開舖後消防員最終「一個都無來」,因為忙於撲救工作,「(消防員)喺街上坐10分鐘又要入返火場,佢哋真係唔停,全身濕透,攰到不得了」,娥姐希望行動可以為消防員打氣,讓他們堅持到最後。

相關報道:

再有消防員殉職 消防界流傳聲帶 同袍通傳噩耗痛哭:又無咗個伙記喇……

再有1名消防員殉職 

【圖輯:迷你倉大火】辛苦了,消防員!

【連環圖】直擊受傷消防員倒下一刻 同袍即扶離火場

張耀升妻子認屍 神情哀傷難掩悲痛

相關字詞﹕編輯推介 迷你倉大火

上 / 下一篇新聞