失蹤7個多月的銅鑼灣書店店長林榮基現身講述於內地被扣押情況，引起關注。經常就時事議題「抽水」的自由黨立法會議員田北俊，昨晚亦有在其facebook發表意見，卻抽着「火水」，被網民圍攻要求他「做實事」。
相關報道：林榮基：被中央專案組扣押 質疑違一國兩制 「不發聲港無救」
事緣田北俊昨晚於facebook發帖指「一個香港人無論喺邊度唔見咗成八個月，我哋嘅香港政府係咪都應該徹查？更何況我哋嘅特首同內地關係咁好」 ，並標籤了「#我都信林榮基」、「#異地執法不可接受」。
該帖文隨後於網絡廣傳，並吸引逾4000人讚好，但不少網民留言不滿田北俊只懂「抽水」，卻不會做實事，「敢問田生會用什麼行動」、「好心唔好只抽水，你同中央啲關係都唔差」、「咪淨係抽水，田少實實在在做啲野（嘢）得唔得」、「有冇行動先？田少！唔好講就兇狠」，亦有網民呼籲「大家小心牆頭草」。