銅鑼灣書店店長林榮基噚日開記者會講述喺內地被扣押情況，惹來全城及外國媒體關注。早前喺facebook推出「每周一字」教德文嘅德國駐港總領事館，今日教人用德文講「綁架」，網民隨即發揮想像力，聯想到銅鑼灣書店事件，仲網民更留言虛心求教：「可唔可以教埋『被失蹤』？」
其他報道：【林榮基現身說法】林稱訪問有導演有台詞 鳳凰衛視：按慣例提採訪申請 對林所說情況不了解
領事館今日貼咗張圖教大家綁架嘅德文「entführen」，仲舉咗例句「看！那頭牛被外星人捉走了！」嚟解說，真係一目了然。
雖然帖文冇講明點解敎「綁架」，但唔少網民都聯想到銅鑼灣書店事件，留言話「謝謝德國政府關注」、「你真懂香港」，有人仲諷刺話「外交部表示德國嚴重干涉中國內政，提出抗議」，不過亦都有人希望德國可以明確譴責中國。
查實領事館一向關心香港時事，喺今年6月4日，「每周一字」就教曉大家悼念嘅德文「gedenken」，相中背景係燭光，而引用例句就係「我們悼念暴力與不公義的受害者」。
相關字詞﹕林榮基 銅鑼灣書店 Emily Online