首先介紹返,網上有句潮語叫做「尋晚kelly鬧得我好岩」(正寫:噚晚Kelly鬧得我好啱),源自有網民開多個facebook戶口,假裝情侶扮對話,但一時大意沒有改用戶口留言,變成自言自語自like,被網民cap圖踢爆十分尷尬。
事件跟進:李梓敬解讀「自Like真相」 原來「真‧田少」係fb管理員 稱唔介意網民嘲笑
而自由黨青年團主席李梓敬噚日就俾網民踢爆做咗「Kelly」,喺個人facebook企圖以田北俊facebook管理員讚自己喺立法會發言講得好,但因為無轉戶口,結果變成自己讚自己,俾網民瘋狂嘲笑。
話說李梓敬喺上周六(11日)喺個人facebook專頁上載咗一段短片,標題係「【請廣傳】今日上立法會公聽會,逐點擊破!踢爆包庇假難民大話!」,李梓敬喺片中用3點講述假難民問題。而噚日下晝4點幾,一個「李梓敬 Dominic Lee」用戶留言,話:「Dom , 在公聴會上你講得很好,用理據支持你的分析!唔係只得個鬧字!繼續努力!你有能力做個為社會發聲的好立法會議員!👍👍👍田」。大約個半鐘頭之後,同一個戶口留言話:「Thanks Mr Tien!」(多謝田先生)
網民相信「田」是指自由黨榮譽主席田北俊,而田北俊的facebook管理員就是「田毛毛」,而李梓敬很可能是管理員之一。
李梓敬以「田」的身分留言自讚後,網民紛紛叫佢做「Kelly」,又認為佢太大意,未轉戶口就自讚,實在係玩社交網大忌。有人乘機尋找商機,自廌要做李梓敬facebook管理員。本報已致電李梓敬了解事件,暫未有人回覆。
相關字詞﹕編輯推介