警方早前喺facebook呼籲,叫市民為剛剛3月出世嘅史賓格警犬BB女改P字頭嘅英文名,最終經篩選後,揀咗6個名出嚟,今日再喺fb叫網民以不同表情符號投票,為BB女揀出最適合嘅名!
入圍名稱包括Pancake、Puffy、Pillow、Paula、Pansy同Purple,警方話今個星期五(10日)12點就截止,而佢哋仲會根據結果,邀請早前提議呢3個名嘅網民,親身探訪吓3隻BB狗女!
正所謂「唔怕生壞命,最怕改壞名」,警方早前上載咗呢班未來爆炸品搜尋專家嘅生活短片,網民不妨幫幫眼,睇睇邊個名最適合警犬BB啦!