政協張家敏中午於《城市論壇》表示,根據分析,六四事件有300至600人死亡,但強調沒有「屠殺」,希望社會客觀了解事件。
其他報道:【網上熱話】Fb禁貼「六四坦克人」字句? 網民質疑言論審查
張家敏發言時先強調「屠殺」定義是「面對手無寸鐵無抵抗嘅人,你仲要殺佢」,惟當年沒有發生類似情況。他又說,當日軍人控制天安門廣場後,學生屬「和平離去」,而且當年學運領袖出書也提及和平撤離天安門,沒有「屠殺」,「事實係關鍵,無事實係唔可以講民主架」。
同場的何俊仁批評張家敏厚顏無恥,又質疑如果真的沒發生「屠殺」,中共為何不公開調查。張家敏則指摘何俊仁人身攻擊及侮辱他。
至於是否應由官方調查,張家敏沒有正面回應,但稱香港及內地須處理很多緊迫問題,「駛乜乜嘢都要告御狀,要國家同意啊?你民間無智慧咩?民間唔可以做咩?駛乜官方調查?(民間)資訊夠晒多,(點解)自己唔去搞改革去做呢?唔能夠藉住呢啲嘢挑起政治風波,搞亂國家改革!」
問到維園六四集會是否真會有一個「終結」,張家敏直指:「寧願畀(本土民主前線發言人)黃台仰去搞,仲係中立啲嘅。」何俊仁則說,即使最後只餘自己一個,都會堅持到底。