民建聯中常委決定只排一張名單出選，現任嘅立法會議員鍾樹根（樹根）就慘被「飛起」。樹根噚日話好唔開心，引來「毛記電視」靚女主播盤菜瑩子關心。樹根係fb貼出盤菜嘅自拍相，短短一個鐘就吸咗千幾個like，網民對樹根的「突飛猛進」都表示驚訝，有網民話「根根一話退黨，當堂脫胎換骨，成個人醒目咗！」
其他報道：李慧琼稱「政治殘忍」 鍾樹根：對任何人都會殘忍，幾時落到佢身上架啫
早前樹根失落區議會選舉，另一個「毛記電視」主播東方昇去蛋撻去佢嘅議員辦公室。盤菜瑩子今日就特登inbox樹根提起呢件事，樹根知道係盤菜後，讚佢唱歌幾好聽，又問起專家Dickson，仲話等東方昇個頭好返，請佢食返蛋撻。
而樹根就係fb大曬盤菜瑩子攞住一張寫住「Chirs Chung 集氣！」嘅自拍相，話「成功幫同事爭取到盤菜瑩子自拍照一張」，又tag了「#根fans」、「#繼續集氣」、「#最緊要正字」等等。
網民對樹根脫胎換骨，大跌眼鏡，話「點會諗到chirs既fb會有呢一日」。不少亦大讚樹根個fb小編，「呢個admin請得過」，又懷疑田少個fb小編係咪過咗檔去幫樹根。