自由黨榮譽主席田北俊表示，打算派元朗區議員周永勤到新界西參選，遭新民黨主席葉劉儀批評喜歡「周圍搞」，到處點火頭，田北俊今早在港台節目反駁指葉劉的言論「幼稚」。
田北俊的胞弟、新民黨田北辰有意在新界西出選，若自由黨派人出選新界西，葉劉淑儀認為做法危險，可能令田北辰不夠票；她又批評田北俊素來喜歡「周圍搞」、到處點火頭，對自由黨的作風已有心理準備。
田北俊今早在電台節目中反問，「新民黨走嚟新界東合併公民力量，又話考慮派人出嚟選，新民黨係咪一樣嚟搞局？新界西嘅葉劉淑儀同新界西嘅田北辰，走嚟新界東又得？」田又說，「新民黨去第二度就得嘅，我哋去你嗰度就唔得嘅，我覺得佢個講法幼稚啲囉……咁講法所有政黨都唔洗發展架啦」。
被問到周永勤在新界西的吸票能力，田北俊說，周之前曾是鄉議局前主席劉皇發的助理，與鄉議局關係良好，若鄉事組不成黨，估計周永勤可得鄉事的票數，又有自由黨的票源，相信有機會可取一席。