民建聯立法會議員鍾樹根近日喺facebook十分活躍，今日仲上載咗一段「鍾sir教中文-本土文化」片段，解釋何謂「本土」。佢話「本土」就係本地文化，本地文化就係獅子山下的香港精神，不過Emily就發現，佢好似打錯字，字幕的「獅子山下」變咗「獅字山下」。
樹根近日喺不少地方大賣「要本土 不要分離」嘅廣告，仲同靚女助理植潔鈴拍片解釋咩係「本土」。樹根話香港本地文化，就係獅子山下的香港精神，一種刻苦耐勞、勤奮拼搏、開拓進取、團結一致、自強不息的精神。
佢話當年老一輩香港人身無分文，白手興家，創造輝煌成績，今日香港面對新挑戰，要團結一心，不要分離，就係香港本土文化。
相關字詞﹕編輯推介 Emily online