早前香港電視主席王維基話考慮選立法會,政綱得3個字「換特首」,原來759阿信屋老闆林偉駿喺上屆特首選舉入面,一早已經估中由梁振英當選。
其他報道:楊絳病逝 「我們仨」天上團圓 享壽104 遺言待火化再發訃告
林偉駿喺商台節見「雲常開」話,當時CY仲未宣布參選,但應該已經有參選念頭,每個星期都電郵文章畀人。林偉駿話,嗰時睇曬CY百幾篇文,覺得佢好有紋路,當時有一次CY喺理大演講,雖然在座的工商界都支持唐英年,但林偉駿話自己係真心支持CY,覺得佢好有分寸,好多嘢都好清楚、有板有眼,言之有理,喺董生年代已經覺得佢有機會,結果亦畀佢估中,CY當選成為特首。
雖然好多人都叫CY落台,林偉駿就覺得,可能係成個機制嘅問題,「上面」又有要求,令到本身係中性執行者嘅CY人在江湖,身不由己,覺得佢寫百幾篇嘢真係有能力做嘅。佢又話,內地發展得好快,香港而家競爭力弱,沉緊落去,覺得政府可以做多啲嘢,應該「照顧我哋多啲」,但佢覺得香港無一啲營商新規矩,令商人可以繼續行落去。
林偉駿又話自己對錢無概念,亦唔會用錢衝量生意,佢又好搞笑咁講,叫人唔好買佢隻股票,話都係「符碌」先上到市。
相關字詞﹕編輯推介