即時港聞

【Emily Online】阿信屋老闆3次申請入共產黨 不肯放棄港身分證遭拒 (11:50)

759阿信屋老闆林偉駿開電線圈工廠起家,後尾踩入零售市場,業務仲愈嚟愈廣,相信唔少人都慣咗「梗有一間阿信屋喺左近」,林偉駿喺商台節目「雲常開」分享往事,原來佢係社會主義者,仲試過幾次申請入共產黨,不過唔成功。

其他報道:指港人憂「五十年不變」不保事出有因 曾鈺成盼京無論如何要對港人有信心

林偉駿話自己唔係資本家,反而係自由主義但奉行社會主義嘅人,佢話毛澤東都係自由主義者,如果唔係都唔會搞農民革命,不過佢就話,對而家嘅共產黨好失望,希望中共總書記清算呢班腐敗嘅「枯枝」。

佢又話,自己申請過3次入黨,不過市級單位唔畀佢入,因為佢唔肯放棄香港身分證。雖然好想入黨,但林偉駿有得做省級代表都唔做,話佢哋開會都係交際應酬,攞個方便,佢循規蹈矩、依法辦事,唔需要做呢啲咁話。

林偉駿曾經講過,立法會主席曾鈺成係佢偶像,笑住咁話當年申請加入民建聯,都係因為見到「讀咁多書都做左仔」,仲話當年聽前輩分享學咗好多嘢,覺得當年民建聯係團結左傾人士嘅團體,而家就係執政黨,吸納專業人士,好唔同。

其他報道:夜蒲主角發聲明 佘英輝道歉 翁繼文﹕聞歌起舞沒越軌

其他報道:劏房爆死不見屍謀殺 單位現大量血漬 非法入境切肉員控殺前妻親戚

相關字詞﹕編輯推介

上 / 下一篇新聞