即時港聞

【Emily online】「白宮發言人」馮煒光續約一年 薪金連約滿酬金高過奧巴馬 (00:02)

新聞統籌專員馮煒光自2013年底上任以嚟,薪金一直「扶搖直上」,早前外界關注下月約滿嘅佢有無得續約,馮煒光同Emily證實已經簽約續約1年,換言之,馮嘅任期同特首梁振英今屆任期完結日子相近。

其他報道:夜蒲團員翁繼文發聲明:KTV店正派 自稱性情中人喜歡音樂故聞歌起舞

曾自喻「白宮發言人」嘅馮煒光,2014/15同2015/16年度嘅年薪分別係274萬同296萬元,佢2016/17年度嘅薪金連約滿酬金,更達到383萬,比起真正白宮話事人、美國總統奧巴馬2015年嘅44萬美元(約342萬港元)年收入,仲要高出一截。

現年55歲嘅馮煒光曾經係民主黨員,但因為喺2012年應徵做梁班子嘅副局長,其後退黨,翌年就獲委任為新聞統籌專員。馮煒光幫梁振英處理公關事宜,但就發生過唔少「公關災難」,引嚟唔少人批評。

其他報道:錢鍾書夫人楊絳病逝 享年105歲

其他報道:全球之冠!港工時全球最長 打工仔一星期做足50個鐘

相關字詞﹕編輯推介

上 / 下一篇新聞