特首梁振英今早於電台節目回應會否改變強硬、「好勇鬥狠」作風時指，會視乎是什麼事情。不過自由黨議員田北俊中午於《城市論壇》直言：「行唔通，佢咩事情都好鬥。」
田北俊舉例，當行政主導定出的政策在立法會討論時，「佢（梁振英）訂10點要攞晒10點嘅，乜嘢都要贏晒」，形容梁振英「強硬過頭」。
他又說，香港雖然是行政主導，立法會議員無權訂政策，但所有立法會議員全部由選民選出，「行政長官反而唔係」，「如果作為特首，覺得自己係香港一言堂，三司十二局（現為三司十三局）議員、500萬選民同議員要聽晒你講，呢個係唔妥」。
同場的民建聯副主席周浩鼎則認為，須對特首「客觀一啲」，「（特首）有做得唔好地方，今朝可能講到一啲好好鬥嘅嘢，可能大家都唔鍾意見到好鬥，但對佢要客觀一啲」。他解釋，本屆政府於民生工作有突破，如推出低收入家庭津貼、設定貧窮線以及「零雙非」等。
問到梁振英本人是否「好鬥」，周浩鼎沒有正面回應，只說「我哋有責任提醒佢唔好咁好鬥（主持：即係你都覺得佢好鬥？）我諗睇人就客觀啲，如果佢真係諗住要好鬥，我哋可以提佢唔好咁好鬥」。