「司機你要憑良心，你唔好害咗一個人又一個人。」油麻地今晨發生奪命車禍，76歲搬運工明叔遭涉嫌醉酒駕駛的司機開車撞斃，其遺孀朱太接受本報訪問時，多番強調肇事司機「要憑良心」，反省自己做過的事，又叫涉事司機「還返爹哋俾仔女」。
朱太哭訴涉案司機飲酒後仍然駕駛，「你（涉事司機）唔好再揸車，你會飲酒，唔好害完一家又一家」。她又指丈夫是家中經濟支柱，形容事件對一家而言有如「天塌下來」，「我老公推架車已經貼住路邊行，咁都撞埋去，個司機真係害死人，之前都拉過佢飲酒揸車，點解又比佢再揸車撞死我老公？」
朱太表示，丈夫每日凌晨4時半會到果欄工作，至早上7點許下班，其後買餸回家，為仔女上學前煮早餐，形容他是一位顧家盡責的好爸爸。
她指，一家雖申領每月約8000元綜援，但丈夫為了改善家庭經濟狀況，即使年老，都要以日薪百多元兼職果欄搬運工，幫補生活費及子女的補習費，她自己亦十分節儉，每日僅以20元購買豬肉，應付一天三餐。
車禍現場為廣東道油麻地警署對開，死者朱勇明，76歲，今晨5時40分沿廣東道推木頭車往西貢街時，被一輛向北行駛的私家車撞倒，後腦重創，送院至早上6時37分不治。警方指意外現場並非交通黑點，涉案司機41歲姓李，酒精呼氣測試超標3倍，涉嫌「酒後駕駛」及「危險駕駛導致他人死亡」扣查，初步調查不涉及衝燈。
【醉駕奪命車禍】途人狂拾散落鮮橙 警：生果非證物 物主稱毋須取回