即時港聞

【Emily Online】洋名Jasper由來 曾鈺成取自小說殺人犯貪好聽 (12:43)

曾鈺成係民建聯創黨主席、現今立法會主席,幾乎係人都知,但曾主席個英文名Jasper就唔係咁多人知,而Jasper本身亦唔係一個常見嘅英文名字,主席今朝喺商台節目《雲常開》講到呢個英文名由來嘅有趣往事。

其他報道:憶六七暴動弟被捕 曾鈺成探監真摯對話反改善兄弟情

曾鈺成話,Jasper來自英國小說《艾德溫·德魯德之謎(The Mystery of Edwin Drood)》裏面殺人兇手嘅名,因為當年啱啱準備領身分證,想改英文名,覺得Jasper幾好聽,又覺得「唔通揀個畀人殺嗰個(名)咩,梗係揀個殺人嗰個(名)啦」,於是決定用呢個名。但佢思前想後,發現Jasper係姓氏,於是又質疑係咪可以用嚟做英文名呢,好彩後來發現一本地理書嘅作者都叫Jasper,確認Jasper可用嚟做名,就用咗Jasper啦。

講番主席中文名,原來除咗叫「鈺成」,曾鈺成仲有另一個名,叫「子真」,當年爸爸為佢吔兄弟姊妹改咗別字,三兄妹分別係「子真」、「子善」同「子美」。佢又解釋點解坊間流傳佢妹妹有多個唔同嘅名,原來妹妹出世紙上寫嘅係「曾麗華」,估計係因為筆劃太多,妹妹入學時就選擇寫自己嘅做「曾子美」,六七暴動期間,妹妹被捕入獄,爸爸覺得「子美」個名「畫花咗」,於是就幫妹妹改咗另一個名字叫「曾勵予」。

曾鈺成個細佬、前民政事務局長曾德成喺六七暴動時因為喺校內派傳單下獄,好多人都知,但佢妹妹入獄嘅事就較少人提到。曾鈺成喺節目中話,妹妹當年喺庇理羅士讀中四,有一個師姐因政治原因被開除,有一日,呢位師姐番到學校,師妹們包括曾鈺成細妹就圍住校長理論,質疑學校點解唔畀師姐番學,上堂鐘響都唔肯番班房,學校報警,結果曾鈺成妹妹同涉事同學被捕,曾子美就坐咗一個月監。

其他報道:名校輟學生辦學反傳統 挑戰上大學才有前途觀念

福建山泥埋宿舍 挖8遺體 逾30人仍失蹤

相關字詞﹕編輯推介

上 / 下一篇新聞