環境局長黃錦星今日喺facebook上載一張36年前的相片，大談自己年輕時的故事，但網民著眼點原來係局長年青時的一把靚頭髮，網民raymond Yap大呼：「A lot of hair!」，商務及經濟發展局副局長、上次立法會曾主席都認唔出嘅梁敬國，都忍唔住留言讚局長「好靚仔喎」。
其他報道：【Emily online】被翻前年無投票舊帳 工聯會新海報撐7天侍產假 王國興、郭偉強抱B廣告被指「HEHE」
局長其實大談當年故仔，順道係推介麥里浩徑。「那些年，正值中五會考前不用返學自修期，數同窗毅然忙裡偷閒，背負重包，遠征這新啟用的百里山路。多年來不時舊地重遊，但當年情景仍歷歷在目：萬宜水庫東壩六角柱地貌（今世界地質公園部分）、大浪四灘一尖......並驚覺一團友背包，竟暗藏一本N吋厚會考化學科天書同行！佢話郊遊不忘「本」。」
黃錦星話：「本土夢想之路豈止一徑，如東南有龍脊、東北有苗三古道（經荔枝窩）、西南有大嶼鳳凰徑等等。去邊都好，郊遊須不忘本，山友本份應是真．愛自然，行山基本應參照「山野無痕 Leave NO Trace」，如自己垃圾自己帶走、自己水壺自己帶（少用即棄）。Don’t mess up OUR dream trails！」
相關字詞﹕編輯推介 emily online 黃錦星