林日曦和蔣麗芸參加ViuTV節目《跟住矛盾去旅行》，節目今日播出最後一集，兩個人嘅矛盾可謂全面升級，基本上所有行程都係各有各做，差唔多係唯一一幕同場，係兩個人隔住中間人針鋒相對，最後更搞到林日曦奪門離開，佢更加話：「我喺度蔣議員唔開心，等佢自己拍。」
其他報道：【Emily Online】游蕙禎po出世紙證香港人：對這地方付出多少，非由身分證英文字母量化
節目開始，林日曦和蔣麗芸先去一個租借西裝的機構做義工，蔣麗芸被安排拆走套住西裝嘅膠袋，林日曦就被安排擦皮鞋。林日曦邊擦邊話：「蔣議員擦鞋應該叻啲，唔係嗰種『擦鞋』，佢成日成副武裝，西裝、皮鞋。」
兩人未見面，林日曦就話要做實驗，全程不會同蔣麗芸講嘢，只會透過中間人說話。兩人擔任面試官後，同場講感受，一同場兩人就矛盾大爆發，林透過中間人向蔣講嘢，蔣麗芸就話：「有咩好實驗、千山百水嚟韓國做實驗？」又形容林係「一個香港中年男子、態度曖昧、眼神虛浮」。之後，林無好氣走咗出房。
相關字詞﹕編輯推介