即時港聞

【Emily Online】「歡迎索取」寫做「歡迎索性」 「大老山隧道」又謂「大佬山隧道」 區議員錯漏百出 (17:13)

繼母親節橫額出現「Happy Fathers' Day」後,區議員又有新「傑作」。有Facebook專頁貼出民建聯屯門區區議員葉文斌嘅宣傳單張,內容想叫街坊可以到唔同地點領取免費文匯報同大公報,但上面嘅文字就錯漏百出,將「歡迎索取」寫做「歡迎索性」,佢嘅黨友沙田區區議員董健莉都唔弱,寫咗「大佬山隧道」之餘,重要寫「獅開大口」,相信漏了個「子」字。

其他報道:【網上熱話】被消失的「中華民國」 學生習作不提內戰歷史

睇下葉文斌個宣傳單張可謂錯漏百出,包括將「索取」,寫做「索性」,一張單張,一時「辦公時間」,一時「辦工時間」,而單張上的地址,簡單寫為「青松中學」,Emily網上一search,就明明係觀塘區,但佢講緊果間應該係「青松侯寶垣中學」,屯門人一般會簡稱「侯寶垣中學」喇,咁樣真係搵啲街坊嚟攪。

佢嘅「隊友」沙田區區議員董健莉都一樣出錯多多,係一張抗議大老山隧道加價嘅海報上,竟然大大個標題寫住「大佬山隧道」,明明俗語係話「獅子開大口」,又寫做「獅開大口」。Emily搵過佢哋了解,但至今未有人回覆。

其他報道:【ViuTv放榜】「跟住矛盾:曾鈺成X梁國雄」成收視冠軍 至少68.9萬人收看

其他報道:【Emily Online】廣東社團地區委員會聯同13團體 母親節活動派30萬份食物

相關字詞﹕編輯推介 網上熱話 emily online

上 / 下一篇新聞