即時港聞

【Emily Online:120蚊車仔麵】Jacky Yu稱點餸多自然貴 大讚好食會繼續幫襯 店家回應:用靚料成本高 (22:02)

一個人吃車仔麵竟要120蚊找數,令私房菜名廚Jacky Yu大呻「依家啲嘢真係好X貴」,不少網民睇到後感同身受,熱烈表達個人經驗,有人質疑太貴,有人則稱明碼實價,點了多餸自然要找數。據悉該店是銅鑼灣著名的「新記車仔麵」,一個3餸車仔麵售40元,每加一樣餸要加10元。Jacky Yu向本報表示,這次在facebook貼相屬個人分享,目的是想對物價高企表示感嘆,他強調自己是那間車仔麵店的熟客,經常幫襯,更大讚該店煮得好食,他叫得多餸自然收費較高。

相關新聞:車仔麵加油菜盛惠120元 名廚Jacky呻物價高食嘢「好x貴」

Jacky話,車仔麵啲餸唔少係外來貨,也非貴價嘢,但店家嘅心思落在處理功夫及自製醬汁上,加上該店坐落銅鑼灣,相信租金及其他成本不菲,收費較高也能理解,他並稱:「我成170磅,要點多啲餸先夠食,叫得多就自然貴啲,日後我都會繼續幫襯。」

Jacky的facebook確有不少該間車仔麵店的照片,例如去年9月及10月,Jacky曾兩度幫襯,每次叫的餸都多到鋪滿碗,有撰寫美食專欄的他,就曾向讀者推介該店,大讚「咖喱魚蛋夠辣,豬紅夠滑,牛肚軟腍,滷水蛋入味,還有脆卜卜的炸魚皮,都不容錯過」。

備受Jacky讚賞的「新記車仔麵」位於銅鑼灣登龍街,負責人笑姐受訪時表示,不記得Jacky是否曾到訪及單獨吃麵後需要120蚊埋單,但她坦言租金、人工及食材的成本很高,「牛腩成本比起以前已經貴一倍,呢排菜都好貴,通菜先前一斤28蚊,宜家跌啲都16蚊斤,而且我哋用靚料,就更加貴啦」。

笑姐表示,客人幫襯一碗3餸車仔麵,背後有一個洗碗、兩個廚房及兩個樓面等5個職員服侍,而且店方明碼實價,相信客人清楚收費才幫襯。她也表示近年香港發生很多事,旅客減少下生意日趨難做,對經濟前景也感憂慮,「睇下最後邊個捱得住,大家都係想搵餐飯食啫」。

其他報道:疑拖篋過馬路看錯方向 內地女遊客青山公路被撞亡

其他報道:公屋私樓租金差距大 林鄭:公屋效應納入貧窮分析理據充份

相關字詞﹕編輯推介

上 / 下一篇新聞