今日政府新聞網上載咗條香港旅遊發展局同旅遊事務署嘅片，入面見到一班劍撃手比劍，想借運動宣傳香港傳統又好玩得嘅一面，其中一個劍手穿黑色戰衣，同穿白色的年輕劍手零舍唔同，揭開頭盔，原來佢係財爺曾俊華。曾經做過劍撃教練的財爺，而家幫埋手拍廣告！片段都吸引咗過百個LIKE，好多人share。
咪住！「頭盔」？眼利嘅網民Movewheel Leo Choi留言指出，片段嘅描述用錯字眼，劍擊喺無「頭盔」，只有「面罩」，叫新聞網出post之前要先做一下資料搜集，仲話：「難怪嘅，個特首都唔係真心支持體壇，hea出post又有咩所謂，唉。」新聞網小編都好快手改咗字，但果位網民又再留言：「係咪改埋個特首先……」。小編就冇咗回覆啦。
其他網民又點睇？有人問段片係唔係財爺嘅「選舉廣告」，又話政府「利用財爺嘅民望」、「終於聰明少少搵財爺拍廣告but我覺得個首歌可唔可以換一下……」
相關字詞﹕編輯推介 Emily Online