即時港聞

【Emily Online】一個字母之差 《南早》報道寫習近平去年死了 (16:04)

國家主席習近平舊年死咗?嘩,Emily今朝睇《南華早報》讀到習近平出任「中央軍委聯指總指揮」嘅新聞時,見到呢個「驚天」消息,嚇得下巴都幾乎跌落地!睇真啲,原來係想講徐才厚舊年過世,但「徐」嘅漢語拼音Xu,打字時錯打成「習」嘅Xi。

其他報道:酒吧業重申「女士之夜」屬營商策略:無女仔,何來有男仔?

其他報道:毓民質疑梁振英將「拋擲」說成「掟」以支持指控

呢篇報道係講習近平琴日首度以「中央軍委聯指總指揮」身分視察中央軍委聯合作戰指揮中心,仲首次身穿迷彩作戰服。報道除咗引述官方中央電視台消息之外,仲有專家分析習近平繼中共總書記、國家主席、中央軍委主席之後,再加多個中央軍委聯指總指揮職銜嘅意義。

文章最尾一段就引述軍事專家話,毛澤東同鄧小平在位時,都有足夠個人權力指揮不同軍區軍頭聽命,但繼任的江澤民同胡錦濤同軍中重量級人物周旋時就遇上麻煩了,其中胡錦濤就被佢兩個副手——軍委副主席徐才厚同郭伯雄架空。

文章最後一句就話,郭伯雄正面對腐敗指控,而徐才厚就係舊年過世,但英文原文就寫成「Guo is facing trial on corruption charges, while Xi died last year」,「徐」Xu變成「習」Xi。

Emily上網再睇南早網上版,發現呢篇報道已經喺今朝10:24更新,Xi已經改番做正確嘅Xu。Emily日日喺度打字打唔停,但都係打中文多,望下個鍵盤,u同i鍵嘅位置原來係左右拍住嘅,難怪手快快會打錯啦。

相關字詞﹕編輯推介

上 / 下一篇新聞