港島東區一向被視為建制派票倉，但東區泛民會議成員，今日就話佢哋踩咗入被指為「建制紅區」嘅北角，宣傳選民登記。
出席者包括東區泛民區議員，除咗傳統泛民政黨如公民黨、民主黨及工黨外，仲有成功「斬草除根」嘅傘兵徐子見，以及太古社區工程嘅王振星。佢哋話咁係代表非建制黨派可以團結一致聯合行動「做大個餅」，擴大非建制政治力量。
其他報道：【行李風波】稱與特首通電話職員「講到喊」 前人代朱幼麟：徹頭徹尾濫權事件
其他報道：林建岳再評《十年》: 雲吞麵舖係全港最好餐廳， 你服唔服氣？
泛民會議副召集人趙家賢曾揭發，位於鰂魚涌嘅「不能避雨亭」，用咗40萬元公帑，但佢指喺議會裡面，建制派人多蝦人少嘅情勢下，多次通過咗唔少浪費金錢而又毫無實質作用嘅政績工程。
選民登記5月2日截至，建制派都有街站鼓勵選民登記，好似民建聯蔣麗芸喺facebook話，噚日分別到旺角及深水埗街市呼籲選民登記。佢話有街坊問佢不愁生活，點解仲咁辛苦落區，蔣麗芸就話自己唔覺辛苦，反而覺得街市嘅「揾食」氣氛，令佢感受到更多「生命活力」！
相關字詞﹕選民登記