香港國際欖球7人賽今日繼續舉行,以小組第3名出線嘅港隊,在8強和4強先後淘汰西班牙及德國殺入決賽,但面對大勝津巴布韋嘅日本,港隊最終以14:24奪亞,但無緣取得來季嘅世巡賽資格。
其他報道:港青奪「氣球界奧斯卡」世界冠軍 大會fb寫「來自中國」激嬲港網民
特首梁振英晚上發表題為「港隊好波」嘅網誌,讚揚港隊表現出色,又得到現場逾萬球迷支持,表現優秀,屢挫強隊,話「這是港人的驕傲,是香港精神的最佳體現」。
梁又藉機提到,自己喺2012年參選特首時就喺政綱內提出設立「體育運動專員」,由熟悉體育運動人士出任,檢討並完善現行體育管理架構,推動體育運動的全面發展。而今年初政府就已經委任咗民政事務局副秘書長楊德強做體育專員。佢又話,自己喺政綱提出體育要「普及化、專業化和盛事化」,國際七人欖球賽就係很好寫照。
佢寄語香港運動員繼續努力,喺各項國際賽事中再創佳績。
不過網民似乎對佢呢番說話唔太認同,網誌發表半小時內,就得到過2000個「嬲嬲」,而讚好就只有近200個。
【網民嬲嬲】獲獎Manson在其fb分享感受,特別感激其兄長未知有否勝算下仍借錢給他參賽。詳情:http://bit.ly/22lWvRH【Emily Online】「香港眾志」記者會黃耀明王宗堯撐場 影評人舒琪考慮選港島...Posted by 明報即時新聞 on Sunday, April 10, 2016
相關字詞﹕編輯推介 Emily Online