無綫新聞部熟悉嘅臉孔愈來愈少，資深體育記者馮堅成，亦喺facebook透露即將離巢嘅消息。馮堅成昨日喺個人fb標籤「#即將離職」，寫上「見得一日得一日，多謝一班同事同我合照」，即時引來不少朋友追問，究竟佢有咩新動向。
其他新聞：香港眾志記者會黃耀明王宗堯撐場 影評人舒琪考慮選港島
Emily就搵咗馮堅成了解，原來佢即將過檔樂視，來自內地嘅樂視近年重金奪得2016至2019年共3個球季的英超獨家播映權，為做好呢啲黃金賽事，當然要請資深體記加盟。
馮堅成話自己在無綫已工作15年，其實5月1日先係last day，不過日子愈近就愈唔捨得，佢話最後一日會如常報新聞，但就無計劃在節目中同觀眾告別。
講到近來不少同僚都離開咗無綫，馮堅成唔認同係大逃亡，只係行內多咗機會，所以人手就出現自然流失，而被問到離開後邊個接波，佢就話唔清楚喇。
其實將離開無綫嘅，仲有小花黃麗幗，佢last Day比馮堅成早少少，兩星期後就講Bye Bye，有指佢即將轉戰財經界做「輪后」，但黃麗幗日前受訪時就大賣關子，話「暫時唔講住」。
其他新聞：【7欖狂熱】CY網誌讚「港隊好波」 重提體育政綱有落實
【網民嬲嬲】獲獎Manson在其fb分享感受，特別感激其兄長未知有否勝算下仍借錢給他參賽。詳情：http://bit.ly/22lWvRH【Emily Online】「香港眾志」記者會黃耀明王宗堯撐場 影評人舒琪考慮選港島...Posted by 明報即時新聞 on Sunday, April 10, 2016
相關字詞﹕編輯推介 Emily Online 馮堅成 樂視