【特事特辦？】fb即現「抽水」Post　Neway小編要人叫全名　高呼「叫我梁特首」餐廳送特權雞翼 (16:21)

事件傳出後市民嘩然，質疑特首一家是否有特權，而「叫我梁特首」一句更成熱話，fb即現疑似「抽水」幽其一默。

相關報道：特首濫權？張炳良：當局重視機場安全

梁振英未回應　機管局國泰皆稱了解中

其中卡啦OK龍頭Neway的fb小編，下午貼圖描述客戶服務員與客人的對話，服務員先禮貌稱「陳小姐你好」，客人即稱「叫我陳經理」，fb小編質疑是否稱呼一定要加職級，並稱「咁我唔係叫小編咁簡單，請叫我全名 『Neway Karaoke Box Hong Kong Facebook 小小編』」。

不少網民笑爆認為小編意有所指，有人笑Neway小編「好大官威」，問小編「要不要幫你搬行李」，小編搞笑回答，「你唔係要我行呀嘛，快D搵2個壯丁搬埋我上機」。

有人稱要向小編發個「靚抽獎」，有人搞笑稱或是一場誤會：「人哋係咪叫陳敬妮~」亦有人擔心小編安危，溫馨提示「小心方丈份人好小氣」，小編即憑二創歌詞寄意，「嚇得我騰~騰~震，真係震到我入~心」。

Neway抽水就得啖笑，一向關心社會的食肆「心燒食堂」的抽水Post，對消費者而言就實際得多，店方公布「又係689，多謝689，因為689地位超然，大家又有着數喇！」

因應特首家庭的行李事件，店方稱，今晚起至本月底，「每位有特權嘅食客，落單時向店員大大聲講『叫我梁特首』，即送你一隻『梁特手』(特權手羽先)雞翼」，搞笑稱幫襯的食客不單有特權，地位仲好超然添！

相關報道：公民黨機師憂涉濫權影響飛行安全 要求交代

涂謹申質疑梁無視國際保安 「特事特喺邊度？」