問責官員每年外訪支出閒閒地幾十萬都唔係新鮮事，立法會財委會今日發布2016至17年開支預算，唔少議員都好關心教育局長吳克儉舊年外訪用咗幾錢，原來佢2015至16年度都收斂咗唔少，只係用咗48萬咋，較少2014年度嘅72萬少咗三成。
教育局長吳克儉鍾意去日本就大家都知，但根據2015至16年度嘅外訪紀錄，佢就多數返祖國，13次入面只有3次唔係回內地，外訪地點包括惠州、順德、福建、北京、承德、廣州，大部分都係與當地官員會面、訪問當地企業、大學等等，仲有去新加坡出席國際會議。
同年吳克儉都有跳出亞洲，去埋美國同比利時，同當地高教界嘅海外撥款及資助策略交換意見，唔知局長交換咗咩返嚟呢？
順帶一提，局長自2012年首年上任，就用咗56萬，包括去英國教育論壇、又去加拿大同美國宣傳3-3-4同DSE；2013年就用咗68萬，除咗去英國、新西蘭之外，仲去埋印尼！2014就最豪氣，用咗72萬，因為去咗比利時同芬蘭，參考人哋成功經驗咁話喎。
其他報道：15鄉事委員反對組黨 侯志強與兩車村民「踩場」爆爭拗
【性侵親女案】事主指父親「有一晚唔畀我食飯」，因為她曾告訴對方「唔畀你搞」.....詳情：http://bit.ly/206O7WU【Emily Online】學民新黨記者會變首映禮 周庭海報擔綱扮《飢餓遊戲》女主角...Posted by 明報即時新聞 on Wednesday, April 6, 2016