立法會今日起舉行特別財委會，就財政預算案各項開支接受議員提問，早前議員分別就唔同開支項目提出書面問題，一共收到多達7360條問題，數字可謂年年創新高，即使平時好低調嘅議員，同樣會入唔少問題。其中經民聯劉皇發，自去年10月復會以來一直缺席立法會會議，據聞至今仍在醫院養病，但缺席會議同樣都可以關心預算案，大家又估唔估到，發叔關注咩問題呢？
政府至今回覆咗司法機構、公務員事務局、特首辦等範疇嘅議員提問。目前政府嘅回覆中，有兩條問題係發叔提出嘅，其中一條問律政司，喺「一帶一路」策略下，現時係咪已制定具體活動，推廣香港嘅法律同解決爭議服務。政府回覆話會持續同特區政府駐內地經貿辦、香港法律界同解決爭議服務界合作，籌辦和參與各項推廣活動，包括計劃4月訪問武漢同6月訪問昆明。
另一條問題就係問廉政公署喺強制大廈維修嘅預防圍標教育方面，廉署來年度有無計劃舉辦講座或培訓班等等。廉署就話上年透過研討會、工作坊及其他宣傳教育活動，共接觸8600人同800個業主立案法團或相關組織，又有網站同推出指南畀業主睇。
【愚人節精選】新華社其後禁止網民在該則微博上留言。報道：http://bit.ly/1MYta98【愚人節facebook突現參選潮 call車app參選航運交通界】 http://bit.ly/1VdVfQn【沈旭暉fb愚人節宣布...Posted by 明報即時新聞 on Friday, 1 April 2016