【Emily Online】愚人節facebook突現參選潮　call車app參選航運交通界 (13:14)

其他新聞：梁頌恆指青政仍未成功註冊

【Emily Online】沈旭暉fb愚人節宣布參選特首 網民tag梁振英問「點睇？」

關心香港時事、間中出來「抽水」嘅客貨車電召app平台「CALL4VAN」，今朝喺專頁發帖，話要參選功能組別，「早晨，我在此鄭重宣布，參選今年立法會選舉嘅『航運交通界功能組別』。請各位屆時踴躍投票支持！」短短2個幾鐘，已經獲得逾1600個讚好。網民都半信半疑，更有人建議「CALL4VAN」改為參選「方丈界」。

facebook上牽起一陣參選潮，仲有「參選人」好認真咁在網上招募競選團隊；雖然去年區議會選舉剛過，區議員為期4年嘅任期只過咗幾個月，但話咁快就有人話要參選下屆華富南選區。

參選立法會太普通？Emily仲見到有人話要加入「長洲養豬協會」，話要喺沒有豬的小島上爭取做最年輕會長，希望明年特首選舉可以加入「小圈子選舉」。睇真啲，Emily認得係「長洲養豬有限責任合作社」，呢個組織喺2015年漁農界正式選民登記冊中有登記的。