Facebook早前加入新功能Live，用戶可隨時現場直播自己喺度做緊咩，等其他朋友即時睇，唔少明星都鍾意玩，估唔到呢個風潮，連政府官員都加入，商務及經濟發展局長蘇錦樑（Greg）今日見記者，講吓旅遊業發展，介紹吓美食車先導計劃嘅最新情況，而佢嘅個人fb上，亦同時直播自己見記者，等網民一齊聽吓佢講咩。
從片段可見，Greg同一齊會見傳媒嘅旅遊事務專員朱曼鈴由走廊行緊出去見記者時，已經開始直播，Greg就一直講嘢，但似乎收音有啲問題，令網上觀眾都唔係好聽得清楚。Greg會見傳媒時，拍片者企喺部分記者後面繼續直播，現場所見，原來係一個女仔幫佢拎住iPad拍片直播，直至記者會完結。Emily現場都有問呢位拍片者身分，但佢就無透露喇。
對於Greg呢個新嘗試，部分網民立即喺佢fb留言讚好，但收看數目唔算多，直播期間一直只得十幾人同時觀看，廿幾分鐘嘅live，大約有200人觀看。
【難離難捨】他笑言，上任後參加不少大愛同盟活動，不少朋友、親戚向他「出櫃」表露心聲，笑言自己「信得過」。報道＋短片：http://bit.ly/1RGCWRr【陳章明﹕反歧視立法「最不可取」 誤指現有法例可保障性小眾 議員批無知不適任...Posted by 明報即時新聞 on Wednesday, March 30, 2016